Бүйір бет

БҮЙІР БЕТ — геометриялық денелердің табан аудандары ескерілмеген шекаралық беті және осы беттің аудан шамасы. Мысалы, тік призманың бүйір беті 4 тіктөртбұрышты жақтарының аудандарының қосындысына тең. $S_b=Pl$ формуласымен анықталады. Мұндағы $P$ — призманың биіктігіне перпендикуляр қимасының периметрі, $l$ — бүйір қабырғасының (немесе биіктігінің) ұзындығы.

• Дұрыс пирамиданың бүйір бетінің ауданы: $S_b=\frac{P_a}{2}$ (мұндағы $P$ — табанының периметрі, $a$ — апофемасы).

• Дұрыс қиықпирамиданың бүйір беті: $S_b=\frac{P_1+P_2}{2}a$ (мұндағы $P_1$ және $P_2$ — табандарының периметрі, $a$ — апофемасы).

• Конустың бүйір беті: $S_b=\pi Rl$, (мұндағы $R$ — табанының радиусы, $h$ — конустың жасаушысының ұзындығы).

• Қиық конустың бүйір беті: $S_b=\pi (R_1+R_2)l$ (мұндағы $R_1$ және $R_2$ -қиық конустың табандарының радиустары, $l$ — конустық жасаушысының ұзындығы).

• Цилиндрдің бүйір беті: $S_b=\pi Rh$ (мұндағы $R$ — табанының радиусы, $h$ — цилиндрдің биіктігі).

• Шардың беті: $S_b=4\pi R^2$ (мұндағы $K$ — сфераның радиусы). Шардың беті — сфера, ол толық бетке жатады.