Барий гидрототығы

Барий гидрототығы - күрделі бейорганикалық қосылыс, күшті сілті. Химиялық формуласы - Ba(OH)₂.

Физикалық қасиеттері

Түссіз кристалдық зат, 78°С температурасында өзінің кристаллогидраттық суында балқиды. Оның судағы ерітіндісі - күшті сілті. Барий гидрототығы жоғары температурада сусызданады. Сусызданған Барий гидрототығы - ромбалық кристалдардан тұратын ақ масса, оның тығыздығы 2,18 г/см³, балқу температурасы - 780°С, бұдан жоғары температурада Барий тотығына (ВаО) айналады. Барий гидрототығын барий тотығын сөндіру арқылы немесе BaCl₂ мен NаОН ерітінділерін қайнағанша қыздырып алуға болады .

Алуы

1. Барий металының сумен әрекеттенудің нәтижесінде:

$\mathrm{B}\mathrm{a}+2\mathrm{H}{\phantom{A}}_2\mathrm{O}⟶\mathrm{B}\mathrm{a}(\mathrm{O}\mathrm{H}){\phantom{A}}_2+\mathrm{H}{\phantom{A}}_2\uparrow$

2. Барий тотығының сумен әрекеттенудің нәтижесінде:

$\mathrm{B}\mathrm{a}\mathrm{O}+\mathrm{H}{\phantom{A}}_2\mathrm{O}⟶\mathrm{B}\mathrm{a}(\mathrm{O}\mathrm{H}){\phantom{A}}_2$

3. Барий сульфидінің ыстық сумен әрекеттенудің нәтижесінде:

$\mathrm{B}\mathrm{a}\mathrm{S}+2\mathrm{H}{\phantom{A}}_2\mathrm{O}⟶\mathrm{B}\mathrm{a}(\mathrm{O}\mathrm{H}){\phantom{A}}_2+\mathrm{H}{\phantom{A}}_2\mathrm{S}\uparrow$

Химиялық қасиеттері

1. Бейтараптану реакциясы (қышқылдармен әрекеттескенде - су мен тұздың түзелуі):

$\mathrm{B}\mathrm{a}(\mathrm{O}\mathrm{H}){\phantom{A}}_2+2\mathrm{H}\mathrm{C}\mathrm{l}⟶\mathrm{B}\mathrm{a}\mathrm{C}\mathrm{l}{\phantom{A}}_2+2\mathrm{H}{\phantom{A}}_2\mathrm{O}$

$\mathrm{B}\mathrm{a}(\mathrm{O}\mathrm{H}){\phantom{A}}_2+\mathrm{H}{\phantom{A}}_2\mathrm{S}\mathrm{O}{\phantom{A}}_4⟶\mathrm{B}\mathrm{a}\mathrm{S}\mathrm{O}{\phantom{A}}_4\downarrow +2\mathrm{H}{\phantom{A}}_2\mathrm{O}$

2. Қышқыл тотықтарымен әрекеттенудің нәтижесінде су мен тұздың түзелеуі:

$\mathrm{B}\mathrm{a}(\mathrm{O}\mathrm{H}){\phantom{A}}_2+\mathrm{C}\mathrm{O}{\phantom{A}}_2⟶\mathrm{B}\mathrm{a}\mathrm{C}\mathrm{O}{\phantom{A}}_3\downarrow +\mathrm{H}{\phantom{A}}_2\mathrm{O}$

$\mathrm{B}\mathrm{a}(\mathrm{O}\mathrm{H}){\phantom{A}}_2+\mathrm{S}\mathrm{O}{\phantom{A}}_3⟶\mathrm{B}\mathrm{a}\mathrm{S}\mathrm{O}{\phantom{A}}_4\downarrow +\mathrm{H}{\phantom{A}}_2\mathrm{O}$

Қолдануы

SO₄²⁻ және CO₃²⁻ (сульфат- және карбонат-иондарын) айқындау үшін қолданылатын реактив. Өнеркәсіпте: SO₄²⁻ (сульфат-иондардан) өндірілген затты тазалау үшін, сірнеден қантты айыру үшін қолданылады.

Тағы қараңыз

• Барий қосылыстары