Иінді таразы

Иінді таразылардың жұмыс істеу приципі айналатын дененің тепе-теңдік шартына негізделеді. Зертханалық теңиінді таразының бір табақшасына массасы өлшенетін денені, ал екінші табақшасына гір тастарын салып теңістірейік. Дене мен гір тасының ауырлық күштерін тиісінше $P_1=m_{1}g$ және $P_2=m_{2}g$ деп белгілейік. Таразы тепе-теңдікте тұрғандықтан, бұл күштердің күш моменттері тең болуы керек, яғни, $M_1=M_2$ немесе $P_1{d}_1=P_2{d}_2$. Зертханалық теңиінді таразыда күш иіндері тұрақты шама: $d_1=d_2$. Ендеше $m_{1}g=m_{2}g$ немесе $m_1=m_2$. Бұдан кері бұндай қорытындыға келеміз: егер гір тастардың массасы өлшенетін дененің массасына тең болса, онда теңиінді таразы тепе-теңдік күйде болады.

Дереккөздер

"Физика және астрономия" Жалпы білім беретін мектептің 7-сыныбына арналған оқулық Р.Башарұлы; У.Тоқбергенова; Д.Қазақбаева. Алматы "Атамұра" 2012ж.